धाराशिव : वकील गुणरत्न सदावर्ते यांच्या विरोधात मराठा समाजाने पुन्हा आक्रमक भूमिका घेतली आहे. गुणरत्न सदावर्ते हे तुळजाभवानीच्या दर्शनासाठी जात असताना मराठा कार्यकर्त्यांनी बुक्का फेकत त्यांना अडवण्याचा प्रयत्न केला. धाराशिवातील तुळजाभवानी मंदिराच्या आवारात ही घटना घडली.

मराठा आरक्षणावरून पुन्हा एकदा वातावरण तापलं आहे. धाराशिवातील तुळजाभवानी मंदिरात दर्शनासाठी आलेल्या गुणरत्न सदावर्ते यांना मराठा आंदोलकांचा सामना करावा लागला. ते एसटी कर्मचारी संघटनेच्या बैठकीसाठी आले आहेत. यासहित आज बुधवारी गुणरत्न सदावर्ते हे तुळजाभवानी मंदिरात दर्शनासाठी पोहोचले. यावेळी मंदिराच्या आवारात गुणरत्न सदावर्ते येताच मराठा आंदोलकांनी घोषणाबाजी केली. तसेच यावेळी आंदोलकांनी त्यांच्या अंगावर बुक्का फेकण्याचा प्रयत्न केला. वकील गुणरत्न सदावर्ते सतत मराठा समाजाविषयी बेलात वक्तव्य करत असल्याचा मराठा आंदोलकांचा आरोप आहे.