मंत्रालयातील बाथरूममधील छत अचानक कोसळले

घटनेवेळी कॅबिनेट बैठक सुरू होती, गर्दी होती

कोणतीही जखम अथवा जीवितहानी झाली नाही

सुरक्षा व देखभाल व्यवस्थेबाबत गंभीर प्रश्न उपस्थित

मुंबई : मंत्रालयातील तळमजल्यावरील बाथरूममध्ये आज सकाळच्या सुमारास अचानक सिलिंग कोसळल्याची घटना घडली. सुदैवाने या घटनेत कोणतीही जीवितहानी झाली नाही. आज मंत्रालयात कॅबिनेटची बैठक आयोजित करण्यात आली होती, त्यामुळे येथे नेहमीपेक्षा अधिक वर्दळ होती. अशा गर्दीच्या वेळीच ही घटना घडल्यामुळे काही काळ मंत्रालयात गोंधळाचे वातावरण निर्माण झाले होते. घटनास्थळी तातडीने सुरक्षा रक्षक आणि देखभाल विभागाचे अधिकारी दाखल झाले. बाथरूम परिसर तात्काळ बंद करण्यात आला असून, अधिक तपास आणि दुरुस्तीचे काम सुरू आहे. या प्रकारामुळे मंत्रालयातील देखभाल व्यवस्थेबाबत प्रश्न उपस्थित होत असून, प्रशासनाकडून याबाबत गांभीर्याने दखल घेण्याची गरज आहे.