मराठा आंदोलक मनोज जरांगे लाखो मराठा बांधवांसह मुंबईकडे काल रवाना झाले आहे. काल ते जुन्नर येथे मुक्कामी होते आणि आज त्यांनी तेथून प्रस्थान करताना प्रसार मध्यमांशी संवाद साधत सरकारवर जोरदार प्रहार केला आहे. आता मला गोळ्या घातल्या तरी माघार नाही घेणारा असा इशारा त्यांनी सरकारला दिला आहे. तसेच आपली छत्रपती शिवाजी महाराजांच्या प्रती अफाट श्रद्धा असून शिवनेरी गडावर गेल्यावर आपल्यामध्ये एक वेगळी शक्ति निर्माण होती असेही ते म्हणाले. मनोज जरांगेना प्रशासनाने फक्त एकच दिवस आझाद मैदानात परवानगी दिली असल्याने त्यांनी सरकारवर संताप व्यक्त करत जो पर्यंत मागण्या मान्य होत तो पर्यंत माघारी परतणार नाही निर्धार केला आहे.