maratha reservation protest live updates मराठ्यांना आरक्षण मिळवून दिल्याशिवाय आणि डोक्यावर गुलाल पडल्याशिवाय येथून कुणीही हलायचे नाही. शांततेत आंदोलन करायचे आहे. कोणीही जाळपोळ, दगडफेक करू नका. आंदोलनाला बट्टा लावायचा नाही, मी मरण पत्करायला तयार आहे, पण आता मागे हटणार नाही. एकवेळ मला गोळ्या घातल्या तरी चालतील, पण आता समाजाच्या मागण्या पूर्ण झाल्याशिवाय मागे हटणार नाही, असा एल्गार मनोज जरांगे पाटील यांनी आझाद मैदानातून केला.

सरकारनं आपल्याला सहकार्य केलेय. आता आपणही सरकारला सहकार्य करावं. समाजाचं नाव खाली जाईल, असं कुणीही वागू नये. दारु पिऊन धिंगाणा घालू नका, समाजाला खाली मान घालावी लागेल, असं कृत्य करू नका, असे आवाहन जरांगेनी मराठा समजाला केले. कोण काय सांगतंय, कोण राजकीय पोळी भाजतंय, त्यासाठी कोणी आपल्या आंदोलनाचा वापर करतंय का? हे गांभीर्याने पाहा. दोन तासांत मुंबई मोकळी करुन द्या, पोलिसांना सहकार्य करा, एकही पोलीस नाराज होणार नाही, याची काळजी घ्या, असेही ते म्हणाले.