छ. संभाजीनगर :  मनोज जारंगे पाटील यांना आज सायंकाळी छत्रपती संभाजीनगरातील गॅलेक्सी हॉस्पिटलमध्ये उपचारासाठी दाखल करण्यात आलेय. आज धाराशिव जिल्ह्याच्या दौऱ्यावर असताना येरमाळा येथे त्यांना अस्वस्थ वाटू लागलं. त्याचबरोबर अशक्तपणा जाणवू लागला, त्यामुळे तातडीने त्यांना छत्रपती संभाजी नगरला आणण्यात आले. धाराशिव जिल्ह्याच्या दौऱ्यावर असताना आज येरमाळा येथे जवळपास चार ते पाच किलोमीटर पायी चालले असल्यानं त्यांना ऊन लागल्याने त्रास जाणवत होता असं त्यांच्या निकटर्तीयांनी सांगितले. हॉस्पिटलमध्ये दाखल केल्यानंतर त्यांना सलाईन लावली आहे.