1995 च्या सदनिका वाटप म्हणजेच मुख्यमंत्री कोट्यातून घर लाटल्याप्रकणी माजी मंत्री तथा राष्ट्रवादी कॉँग्रेस अजित पवार गटाचे नेते माणिकराव कोकाटे यांच्या शिक्षेला स्थगिती मिळावी या मागणीसाठी मुंबई उच्च न्यायालयात सुनावणी सुरू झाली आहे. न्यायमूर्ती लड्डा यांच्यासमोर कोकाटेंचे वकील रविंद्र कदम युक्तिवाद करत आहेत. कोकाटेनी बनावट रेशनकार्ड तयार करून आर्थिक दुर्बळ घटकांसाठी असलेल्या सदनिका मिळवल्याचा आरोप हस्तक्षेप याचिकाकर्त्यांनी केला आहे. माणिकराव कोकाटेंबाबत आजच निर्णय येणार आहे, हे कोर्टाने सांगितलेलं आहे. कोकटेव्यतिरिक्त आज कोणतीही सुनावणी होणार नाही असे कोर्टाने सांगितले आहे.