मुंबईत पहाटेपासूनच मुसळधार पाऊस कोसळत आहे. याचा फटका मुंबई लोकलला आणि वाहतुकीला बसला आहे. मुंबईतील अनेक सखल भाग हे जलमय झाल्याचे पाहायला मिळत आहे. मालाड पूर्व आणि पश्चिमेला जोडणारा मालाड सबवे देखील पाण्याखाली गेला असून सध्या मालाड सबवे वाहतुकीसाठी बंद करण्यात आला आहे. यात एक दुचाकी देखील वाहून गेली असून एक चार चाकी देखील अडकली होती, मात्र स्थानिक नागरिकांनी प्रवाशांना बाहेर काढले. मालाड सबवेमध्ये पाच फुटापर्यंत पाणी साचल्याचे पाहायला मिळत आहे.