Maharashtra Politics : विधानसभा निवडणुकीआधी महायुतीचं जागावाटपाची जोरदार चर्चा सुरु आहे. राष्ट्रवादी, शिवसेना आणि भाजप यांच्यामध्ये बैठकावर बैठका सुरु आहे. लोकसभेमध्ये ऐनवेळी उमेदवारी जाहीर केल्याचा फटका बसला होता, पण तो धोका टाळण्यासाठी महायुतीकडून लवकरच उमेदवारांची घोषणा करण्यात येईल, असे बोलले जात आहे.

महायुतीचं जवळपास ८० टक्के जागावाटप पूर्ण झाले आहे. काही जागांवर पेच आहे, त्यासाठी बैठका होत आहे. महायुतीकडून नवरात्रीमध्ये ४० उमेदवारांची यादी जाहीर होण्याची शक्यता आहे.

महाराष्ट्राची विधानसभा निवडणूक १० ते २० नोव्हेंबर यादरम्यान दोन टप्प्यात होण्याची शक्यता आहे. महायुतीकडून पहिली यादी नवरात्रीमध्ये येण्याची शक्यता आहे. ४० जागांची यादी समोर येईल.

भाजप १६० जागा लढण्यासाठी आग्रही आहे. तर एकनाथ शिंदे यांना १०० आणि अजित पवार यांना ७० जागा हव्यात. यावर तोडगा काढल्यानंतर ४० उमेदवारांची पहिली यादी जाहीर करण्यात येणार आहे.