राज्यातील लाडक्या बहिणींना नोव्हेंबर आणि डिसेंबर महिन्याचा एकत्रित लाभ देण्याचा निर्णय सरकारने घेतला आहे. मात्र अद्यापही राज्यातील तब्बल 80 लाख महिलांनी ई-केवायसी प्रक्रिया पूर्ण केलेली नाही. त्यामुळे महिलांना अधिक वेळ मिळावा म्हणून सरकारकडून मुदतवाढ जाहीर करण्यात आली आहे.

सरकारने स्पष्ट केलं आहे की फेब्रुवारीपासून फक्त ई-केवायसी पूर्ण केलेल्या महिलांनाच योजनेचा लाभ मिळणार आहे. ज्यांनी अजूनही ई-केवायसी केलेली नाही त्या महिलांचा हप्ता बंद होणार असल्याची माहिती वरिष्ठ अधिकाऱ्यांनी दिली. महिलांनी विलंब न करता लवकरात लवकर ई-केवायसी प्रक्रिया पूर्ण करण्याचं आवाहनही प्रशासनाकडून करण्यात येत आहे.