विधीमंडळाचे हिवाळी अधिवेशन सोमवारपासून सुरुवात होत आहे. पण महाराष्ट्राच्या इतिहासात प्रथमच दोन्ही सभागृहांमध्ये अधिकृत विरोधी पक्षनेता नसणार आहे. विधानसभेत विरोधी पक्षनेतेपदासाठी आवश्यक २९ आमदारांचा आकडा कोणत्याही पक्षाला गाठता आलेला नाही. ठाकरे सेनेचे २०, काँग्रेसचे १६ आणि राष्ट्रवादी काँग्रेस शरदचंद्र पवार पक्षाचे १० आमदार आहेत. यावरच ठाकरे गटाचे आमदार सुनिल प्रभु यांनी टीका केली आहे.

त्यांच्या मते या सरकारने केलेल्या ज्या काही भ्रष्टाचाराच्या कृती आहेत. त्या या अधिवेशनामध्ये विरोधी पक्षनेत्याद्वारे चावडीवर येऊ नयेत आणि लोकांपर्यंत जाऊ नयेत म्हणून विरोधी पक्ष नेतेपद घोषणा न करण्याचं या सरकारने ठरवलंय. विधानपरिषदेतही २९ ऑगस्ट २०२५ पासून हे पद रिक्त असल्याने, दोन्ही सभागृहांचे कामकाज विरोधी पक्षनेत्याशिवाय चालणार आहे.