राज्यात यंदा नोव्हेंबर महिन्यात थंडी कमी असणार असून पावसाची शक्यता जास्त आहे. हवामान विभागाने दिलेल्या माहितीनुसार, 'किमान तापमान सरासरीपेक्षा जास्त राहील असा अंदाज वर्तवण्यात आला आहे.

यामुळे नोव्हेंबरमध्ये थंडी कमी जाणवेल. यासोबतच, राज्यासह देशभरात अनेक ठिकाणी सरासरीपेक्षा जास्त पावसाची शक्यता देखील वर्तवण्यात आली आहे. हवामान विभागाचे महासंचालक डॉ. मृत्युंजय महापात्रा यांनी सांगितले की, वायव्य भारताचा काही भाग वगळता देशाच्या बहुतांश भागांमध्ये किमान तापमान सरासरीपेक्षा जास्त राहण्याची शक्यता आहे, ज्यामुळे महाराष्ट्रात थंडी कमी राहील.

यंदा पावसाळा सुरू झाला तेव्हापासून थांबायच नाव घेत नाहीये. राज्यात अतिवृष्टीने बळीराजाचे मोठे नुकसान केले असून हिवाळा सुरू झाला मात्र पाऊस थांबायचे नाव घेत नाहीये. मात्र यंदा दारवर्षीच्या तुलनेत हिवाळा कमी जाणवेल असा अंदाज वर्तवला जात आहे.