मुंबई : नागपूर हिट प्रकरणावरून वातावरण चांगलंच तापलंय. अपघाताआधी संकेत बावनकुळेंनी बीफ खाल्लं, असा खळबळजनक आरोप ठाकरे गटाचे नेते संजय राऊत यांनी केलंय. गणेशोत्सवात बीफ कटलेट खायचं आणि आम्हाला हिंदुत्व शिकवतात, अशी टीका देखील राऊतांनी केलीय. पोलिसांनी बील जप्त केलंय. त्यामध्ये बीफचा उल्लेख असल्याचं संजय राऊत यांनी म्हटलंय.

भाजपचे प्रदेशाध्यक्ष चंद्रशेखर बावनकुळे यांच्या मुलावर उद्धव ठाकरे गटाचे खासदार संजय राऊत यांनी गंभीर आरोप केले आहेत. ज्या वाहनामुळे अपघात झाला, त्या वाहनातून लाहोरी बारचं बिल सापडलं आहे. बारच्या बिलात दारूचे बिल आहे, तसेच चिकन, मटण, बीफ कटलेटचे बिल असल्याचं राऊत म्हणाले आहेत. ते मॉब लिंचिंग करतात, असा आरोप देखील राऊतांनी केलाय.