शिवसेना आमदार संजय गायकवाड यांनी शिंदे गटाचे आमदार भाजपमध्ये जाणार असल्याच्या चर्चा फेटाळून लावल्या. साम टीव्हीला दिलेल्या मुलाखतीत त्यांनी स्पष्टपणे सांगितले की,'शिवसेना एक संघ आहे आणि एक संघ राहील, कुठलाही आमदार कुठेही जाणार नाही.' उद्धव ठाकरेंच्या टीकेला उत्तर देताना त्यांनी दिल्लीतील भेटींचे समर्थन केले. संजय गायकवाड यांनी बुलडाण्यातील स्थानिक राजकारणावर गंभीर आरोप केले. तसंच, 'भाजपचे काही 'उपरे' नेते काँग्रेस आणि राष्ट्रवादीच्या नेत्यांसोबत बैठका घेत आहेत. हर्षवर्धन सपकाळ देवेंद्र फडणवीसांवर टीका करत असताना हे स्थानिक नेते उत्तर देत नाहीत.', असा आरोपही त्यांनी केला. या स्थानिक नेत्यांना भाजप वाढवायची आहे की संपवायची आहे, याचा शोध घेतला पाहिजे, असेही मत संजय गायकवाड यांनी व्यक्त केले.