राज्याचे उपमुख्यमंत्री एकनाथ शिंदे यांनी पालघर जिल्ह्यासाठी अनेक मोठ्या घोषणा केल्या आहेत. यामध्ये पालघरमध्ये ठाण्याच्या धर्तीवर नाट्यगृह उभारणे, गणेश कुंडाचे सुशोभीकरण करणे आणि १८ कोटी रुपयांची पाणीपुरवठा योजना मंजूर करणे यांचा समावेश आहे. राज्यातील देवस्थाने, तीर्थक्षेत्रे आणि गड-किल्ल्यांच्या पुनर्बांधणीला प्राधान्य देणार असल्याचेही त्यांनी स्पष्ट केले. जे बोलतो ते करतो. प्रिंटिंग मिस्टेक झाली असं म्हणत नाही. आपण जो शब्द दिला तो शब्द पाळतो. असे म्हणत मुख्यमंत्री एकनाथ शिंदे यांनी आपल्या कामाच्या पद्धतीवर भर दिला. त्यांनी पालघरकरांना दररोज स्वच्छ पाणीपुरवठा देणार ही जबाबदारी सरकारची असल्याचे सांगितले. भाषणात त्यांनी यशस्वी ठरलेल्या 'लाडकी बहीण' योजनेचाही उल्लेख केला.