धाराशिव जिल्ह्यातील परंडा नगरपरिषद निवडणुकीच्या पार्श्वभूमीवर तणावाचे वातावरण निर्माण झाले असून, शिंदे गटाचे आमदार तानाजी सावंत आणि अजित पवार गटाचे राहुल मोटे यांच्या गटांमध्ये चढाओढ सुरू झाली आहे. निवडणूक अर्जावर आक्षेप घेण्यात आल्याने दोन्ही गटांच्या कार्यकर्त्यांमध्ये वाद निर्माण झाला आणि एकमेकांवर दगडफेक झाली.

शिवसेना शिंदे गटाचे उमेदवार झाकीर सौदागर आणि सर्वपक्षीय स्थानिक विकास आघाडीचे उमेदवार विश्वजित पाटील यांच्यात मोठा वाद झाला. यानंतर दोन्ही गटांचे कार्यकर्ते एकमेकांना भिडले. परिस्थिती नियंत्रणात आणण्यासाठी पोलिसांना पाचारण करण्यात आले.