राष्ट्रवादी काँग्रेसचे आमदार संग्राम जगताप यांच्या अडचणीत वाढ झाली आहे. अकोल्यामध्ये त्यांच्याविरोधात समाजात धार्मिक तेढ निर्माण करून भावना दुखावल्याचा आरोप करण्यात आला आहे. दिवाळीची खरेदी करताना हिंदूंकडून करा असे थेट आवाहन जगताप यांनी केले होते. ज्यामुळे त्यांच्यावर अटकेची टांगती तलवार आहे. या वादग्रस्त वक्तव्यानंतर राष्ट्रवादी काँग्रेसमध्येही नाराजी पसरली असून, पक्षाचे अध्यक्ष अजित पवार यांनी जगताप यांचे कान टोचल्याचे समजते. या घटनेमुळे राष्ट्रवादीमध्ये राहून हिंदुत्वाचा पुरस्कार करण्याच्या जगतापांच्या भूमिकेमुळे अजित पवारांची डोकेदुखी वाढली आहे. या प्रकरणी आता पुढे काय कारवाई होणार याकडे सर्वांचे लक्ष लागले आहे. दिवाळीच्या दरम्यान सोलापूरमध्ये झालेल्या हिंदू आक्रोश मोर्चामध्ये एका विशिष्ट धर्मावर टीका करत त्यांच्या भावना दुखावल्याचा आरोप त्यांच्यावर आहे. समाजामध्ये जातीय तेढ निर्माण करून सार्वजनिक वातावरण दूषित केल्याचा त्यांच्यावर आहे.