बीडच्या परळीतील कार्यक्रमातून धनंजय मुंडे यांनी नाव न घेता आरोपी वाल्मीक कराड याची उणीव भासत असल्याचे सांगितले. काय चुकलं काय नाही चुकलं हे न्यायालय बघेल. आज एका व्यक्तीची व्यासपीठावरती कमतरता भासते, असे धनंजय मुंडे म्हणाले. त्यांचा हा व्हिडीओ सध्या सोशल मीडियावर व्हायरल होत आहे. यामुळे राजकीय वर्तुळात चर्चा रंगली आहे.

परळीतील नगरपरिषदेच्या निवडणुकीच्या प्रचारार्थ आज परळीमध्ये पंकजा मुंडे आणि धनंजय मुंडे यांच्या उपस्थितीमध्ये संयुक्त मेळाव्याचे आयोजन केले होते. यावेळी आमदार धनंजय मुंडे यांनी बोलत असताना भाषणाच्या शेवटी म्हटले की, आज परळीतील जगमित्र कार्यालय गेल्या ६ ते ९ महिन्यापासून आजही सर्वसामान्य जनतेसाठी खुलं आहे. मात्र आज या मंचावर मला एक व्यक्ती नसल्याची जाणीव भासत आहे. ती व्यक्ती आज आपल्यात नाही. जे काही असेल नसेल ते न्यायालय पाहील. काय व्हायचे ते होईल. मात्र त्या व्यक्तीची आज जाणीव भासत आहे.', असं धनंजय मुंडे यांनी नाव न घेता आरोपी वाल्मिक कराडची आठवण काढली.