शिंदे गटाचे नेते तथा सामाजिक न्यायमंत्री संजय शिरसाट यांचे प्रतिस्पर्धी राजू शिंदे यांनी भाजपमध्ये प्रवेश केल्यानंतर इशारा दिला होता. येणाऱ्या काळात दोन्ही शिवसेना राहणार नाही असे वक्तव्य करत त्यांनी अप्रत्यक्षपणे संजय शिरसाट आणि ठाकरे गटाच्या नेत्यांना लक्ष केले. यावरच ठाकरे गटाचे संभाजीनगरचे माजी खासदार चंद्रकांत खैरे यांनी पलटवार केला. तुझ्यात दम असेल तर मैदानात ये, एका मिनिटात सरळ करेल, आता पडला तर भाजपमध्ये गेला. मी सुरुवातीपासून राजू शिंदे यांना आमच्या पक्षात घेण्यास विरोध करत होतो. लोकांच्या जमीनी खाऊन बंगले बांधले असा जोरदार हल्लाबोल चंद्रकांत खैरे यांनी केला.