जिल्हा परिषदेच्या निवडणुकांसाठी दोन्ही राष्ट्रवादी एकत्र येणार आहेत. काही तालुक्यात कार्यकर्ते म्हणतात एकत्रित लढायचं. त्यामुळे काही तालुक्यात आम्ही एकत्र लढणार आहोत, काही ठिकाणी वेगळं लढू. जिल्ह्याचे काही प्रमुख आज आले होते, जे इच्छुक होते लढायला ते सुद्धा पुण्यात आले होते अशी माहिती आमदार रोहित पवार यांनी दिलीय.

महापलिकेतील पराभवानंतर दोन्ही राष्ट्रवादी जिल्हा परिषद आणि पंचायत समितीच्या निवडणुकीची तयारी सुरू केली आहे. बारामतीत जिल्हा परिषद पंचायत समितीसाठी इच्छुक उमेदवारांच्या मुलाखती घेत येत आहे तर दुसऱ्या बाजुला निवडणुका कशाप्रकारे लढवण्याच्या याची रणनीती ठरवण्यात आलीय. जिल्हा परिषदेच्या निवडणुकांसाठी दोन्ही राष्ट्रवादी एकत्र येणार आहेत. आज पुण्यातील बारामती हॉस्टेल येथे रोहित पवार यांनी अजित पवार यांची भेट घेतली. जिल्हा परिषदेच्या निवडणुकांच्या पार्श्वभूमीवर अजित पवार येथे पदाधिकाऱ्यांसोबत बैठक घेत होते.