वादग्रस्त वक्तव्य अन् सभागृहात मोबाईलवर रमी खेळण्याच्या प्रकरणावरून मंत्री माणिकराव कोकाटे वादाच्या भोवऱ्यात सापडले. त्यांचं कृषिमंत्रिपद काढून घेण्यात आलं. त्यांना क्रिडा खात्याची जबाबदारी देण्यात आली. आता शिंदे गटातील नेत्यांवर काय कारवाई केली जाणार? याकडे सर्वांचेच लक्ष आहे. अशातच गृहराज्यमंत्री योगेश कदम यांच्या आईच्या नावावर असलेल्या सावली बारवर मोठी कारवाई करण्यात आली आहे.

सावली बारचे लायसन्स योगेश कदमांकडून जप्त करण्यात आले आहे. सरेंडरनंतर लायन्स रद्द करण्याचा निर्णय घेण्यात आला आहे. योगेश कदम यांच्या आईच्या नावे ऑर्केस्ट्रा बारचे लायसन्स आहे. यामुळे त्यांचं गृहराज्यमंत्रीपद धोक्यात आलं होतं. पण आता लायसन्स रद्द केल्यामुळे त्यांचं मंत्रिपद वाचल्याची चर्चा आहे.