मुंबई : शिवडी विधानसभा शिवसेनेचा पारंपररिक बालेकिल्ला विधानसभा निवडणुकीत वामनराव महाडिक यांनी मिळवून दिला. त्यांनतर या मतदारसंघात ठाकरे गटाचे ठाकरे गटाचे उमेदवार अजय चौधरी तिसऱ्यांदा निवडणुक लढवत आहेत. अजय चौधरी यांच्यासोबत स्पर्धक उमेदवार असलेले सुधीर साळवी हे देखील प्रचारात अजय चौधरींच्या खांद्याला खांदा लावून प्रचार करत आहेत. यामुळे विरोधी उमेदवारांचं टेन्शन वाढल्याची चर्चा मतदारसंघात सुरु झाली आहे.

ठाकरे गटाचे उमेदवार अजय चौधरी म्हणाले,' मुंबई मिळवण्यासाठी गिरणी कामगारांनी, श्रमिकांनी रक्त सांडलं. त्यांना हक्काचं घर मुंबईतच मिळवून देण्यासाठी भूमिका मांडली. त्यांच्या हक्कासाठी यापुढेही मी अजय चौधरी पूर्ण ताकदीने लढा देईल. या गिरणी कामगार, कष्टकऱ्यांनी आपल्या कष्टातून या शहराच्या उभारणीस हातभार लावलय. त्यांना त्यांच्या हक्कांची घरे मिळावी, त्यांच्या पाठीशी उभा आहे'.