राज्यातील एसटी कर्मचाऱ्यांच्या संपाचा आज दुसरा दिवस आहे. एसटी कर्मचारी आपल्या मागण्यांवर ठाम आहे. जोपर्यंत मागण्या मान्य होत नाही तोपर्यंत संप मागे घेणार नसल्याच्या निर्णय एसटी कर्मचाऱ्यांनी घेतला आहे. रस्त्यावरून एसटी धावत नसल्यामुळे प्रवाश्यांचे हाल होत आहे. एसटी नसल्यामुळे नागरिक पर्यायी वाहनांनी प्रवास करत आहेत. त्यामुळे एसटी संपाचा फायदा ट्रॅव्हल्सना होत आहे.

राज्यभरातील एसटी संपाचा खासगी ट्रॅव्हल्सना चांगला फायदा होताना दिसत आहे. सणासुदीचे दिवस असल्यामुळे मोठ्या संख्येने नागरिक गावाकडे जात आहेत. अशामध्ये एसटी बंद असल्यामुळे ते मिळेल त्या वाहनांनी गावाकडे जात आहेत. याचाच फायदा घेत खासगी ट्रॅव्हल्स प्रवाशांकडून तिकीट दरापेक्षा १०० ते १५० रुपये जास्त घेत आहेत. त्यामुळे पुढच्या दोन दिवसांमध्ये संप मिटला नाही तर प्रवाशांचे आणखी हाल होण्याची शक्यता आहे.