महाराष्ट्र केसरी पैलवान सिकंदर शेख याच्या आलिशान कारला भीषण अपघात झाला. रत्नागिरी-नागपूर महामार्गावर कवठेमहांकाळ तालुक्यात विठ्ठलवाडीनजीक हा अपघात घडला. महामार्गावरून जात असताना सिकंदर शेख याची कार दुभाजकाला धडकली, अशी प्राथमिक माहिती मिळाली आहे.

या घटनेनंतर स्थानिकांनी घटनास्थळी धाव घेतली. अपघातावेळी सिकंदर कारमध्ये होता की नाही, याबाबत अद्याप माहिती मिळू शकलेली नाही. या घटनेचा महामार्ग पोलिसांकडून तपास करण्यात येत आहे.