विधानसभा निवडणुकीच्या पार्श्वभूमीवर राज्य सरकारने लाडकी बहीण योजना चालू केली आणि महिलांच्या खात्यात थेट पंधराशे रुपये यायला सुरुवात झाली. याचीच परतफेड लाडक्या बहीणींनी भरभरून देत महायुती सरकारला पुन्हा सत्तेत बसवले. अशातच आता पुन्हा राज्य सरकारने लाडक्या बहीणींसाठी मोठी घोषणा केली आहे. मुंबई जिल्हा मध्यवर्ती सहकारी बँकेच्या लाडक्या बहीणींच्या उद्योग व्यवसायासाठी आणलेल्या कर्ज धोरणास राज्य सरकारच्या व्याज परतावा योजनेची सांगड घालून शून्य टक्के व्याजदरात कर्ज देऊन महिलांना उद्योग व्यवसायात स्वावलंबी करण्याचा निर्णय आज मुख्यमंत्री देवेंद्र फडणवीस यांनी वर्षा निवासस्थानी झालेल्या बैठकीत घेतला आहे. याबाबत मुंबई जिल्हा बँकेचे अध्यक्ष प्रविण दरेकर यांनी ट्विट करत सविस्तर माहिती दिली आहे.