राज्याचे कृषि मंत्री दत्तात्रय भरणे यांनी साम टीव्हीला दिलेल्या मुलाखतीत आगामी नगरपालिका आणि जिल्हा परिषद निवडणुकांबाबत पक्षाची भूमिका स्पष्ट केली. महायुतीमध्ये एकत्र असलो तरी, स्थानिक पातळीवर कार्यकर्त्यांच्या भावना वेगवेगळ्या आहेत. काही ठिकाणी भाजपसोबत, तर काही ठिकाणी शिवसेनेसोबत युती करण्याची मागणी होत आहे. मात्र, या सर्व भावनांचा आदर करून, अंतिम निर्णय पक्षाचे नेते अजित पवार, सुनील तटकरे आणि प्रफुल्ल पटेल घेतील, असे भरणे यांनी सांगितले. तसेच, सरकारने शेतकऱ्यांना दिलेल्या आश्वासनांची पूर्तता केली जात असून, आतापर्यंत सुमारे २० हजार कोटी रुपयांपर्यंतच्या मदतीचे जीआर निघाले आहेत, आणि रक्कम शेतकऱ्यांच्या खात्यात जमा होत आहे, असा दावाही त्यांनी केला.