राज्य सरकारने विद्यार्थ्यांच्या दैनंदिन शालेय प्रवासाला अधिक सुरक्षित ,सुसज्ज आणि अधिकृत रुप देण्यासाठी एक मोठा आणि महत्त्वपूर्ण निर्णय घेतला आहे. १२ आसनी क्षमतेपर्यंतच्या शाळेसाठी खास डिझाईन केलेल्या व्हॅनना आता 'स्कूल व्हॅन' म्हणून अधिकृत मान्यता देण्यात आली आहे.

परिवहन विभागाने यासंदर्भात मोटार वाहन नियमांमध्ये आवश्यक बदल करत अधिसूचना जारी केली आहे. यामुळे राज्यात अनधिकृतपणे चालविल्या जाणाऱ्या अनेक लहान व्हॅनना अधिकृत ओळख मिळणार आहे. तसेच विद्यार्थ्यांच्या सुरक्षेच्या दृष्टीनेही हा निर्णय महत्त्वपूर्ण ठरणार आहे. पालक वर्ग, शाळा व्यवस्थापन आणि वाहनचालक यांच्यामधील समन्वय अधिक सुलभ होण्यासाठी हा निर्णय उपयुक्त ठरणार आहे.