संदीप भोसले, साम टीव्ही

लातूर: नागपूर येथील शिक्षण विभागातील शिक्षक भरतीचा घोटाळा ताजा असतानाच, पुन्हा लातूरच्या माध्यमिक विभागाचा गलथान कारभार समोर आला आहे. कुठलीही शासकीय नियुक्ती नसताना, शिक्षण विभागाचा कारभार 12 पास व्यक्ती संभाळताना दिसत असून लातूरच्या माध्यमिक शिक्षणाचा गलथान कारभार चव्हाट्यावर आल्याचे पाहयाला मिळत आहे.

राज्यात दिवसेंदिवस शिक्षण विभागातल्या भ्रष्टाचारांचा काळाबाजार बाहेर येताना पाहायला मिळतोय, नागपूर शिक्षक भरती घोटाळा प्रकरण ताजा असतानाच, लातूर मधील माध्यमिक शिक्षण विभागाचा गलथान कारभार चव्हाट्यावर आलेला दिसतोय . शिक्षण विभागातल्या क्लर्क पदाचा टेबलचा कारभार भलतीच व्यक्ती करताना दिसत आहे. तसेच त्यांना नाव आणि त्यांचे पद विचारले असता कुठलेही उत्तर त्यांच्याकडून मिळत नसल्याचे दिसून येत आहे. कुठलीही शासकीय नियुक्ती किंवा शासकीय सेवेत नसलेला व्यक्ती क्लर्क पदावरच्या टेबलवर राजरोसपणे काम करत आहे. त्यामुळे या व्यक्तीला नेमका वरदहस्त कोणाचा असा सवाल उपस्थित होत आहे.