Black Panther Spotted In Guhagar : रत्नागिरीतील गुहागरमध्ये पिंपर गावच्या परिसरात ब्लॅक पँथर आढळून आला. हा ब्लॅक पँथर जंगलाच्या दिशेने जात असताना काही नागरिकांनी पाहिला आणि त्याचा व्हिडिओ कॅमेऱ्यामध्ये कैद केला. ब्लॅक पँथर हा तसा लाजाळू आणि निशाचर असल्याचे म्हटले जाते, गुहागर तालुक्यात अनेकदा ब्लॅक पँथरचे दर्शन होत असते. पिंपळमध्ये आढळून आलेला हा ब्लॅक पँथर बराच वेळ एकाच जागेवरती बसून राहिल्याचे व्हिडिओच्या माध्यमातून दिसून येत आहे. वाघाच्या प्रजातीमधील ही जात असल्याचे देखील म्हटले जाते. पावसाळ्यात कोकणातील जंगले घनदाट होत असतात आणि यामुळे अनेक दुर्मिळ प्राण्यांचे दर्शन पावसाळ्यात लोकांना होत असते. पिंपळ मार्गावरून जाणाऱ्या जंगली भागातून रस्त्यावरून अनेकदा अशा प्रकारचे प्राणी नजरेस येत असल्याचे देखील बोलले जात आहे. ब्लॅक पँथर अर्थात बगीरा याचा हा व्हिडिओ सध्या सोशल मीडियावर प्रचंड व्हायरल होत असून चर्चेचा विषय बनला आहे.