पुणे शहरात एटीएस आणि पुणे पोलीसांनी मोठी कारवाई केली. एटीएसकडून १९ जणांच्या घरी छापेमारी केली. एटीएसने कोंढवा, खडक, खडकी, वानवडी, भोसरी या परिसरात १९ संशयित व्यक्तींच्या घर आणि कार्यालय येथे सर्च व चौकशी सुरू आहे. कोंढव्यात एटीएसने गुरुवारी सकाळी छापे टाकले. मीठानगर भागातील संशयितांच्या घरांवर छापे टाकण्यात आले. एटीएसच्या पथकाने काही संशयितांना ताब्यात घेतल्याची माहिती सूत्रांनी दिली. आहे.

मिळालेल्या माहितीनुसार, पुण्यातील कोंढवा भागात मध्यरात्रीपासून सर्च ऑपरेशन सुरू आहे. तब्बल १९ ठिकाणी सर्च ऑपरेशन सुरू आहे. काही संशयितांना ताब्यात घेऊन चौकशी सुरू करण्यात आली आहे. एटीएस आणि पुणे पोलिसांनी ही मोठी कारवाई केली. या करवाईने राज्यासह देशभरात खळबळ उडाली आहे.

२ वर्षांपूर्वीच पुणे पोलिसांनी बंदी असलेल्या दहशतवादी संघटनेच्या ३ जणांना पकडले होते. त्यानंतर देशातील संभाव्य कट उधळला होता. ते दहशतवादी देखील कोंढाव्यात वास्तव्याला होते. त्यानंतर आता आणखी काही संशयित तपास यंत्रणेच्या नजरेत आले आहेत. त्यामुळेच पुणे केंद्र बनले असल्याचे दिसत आहे.