छ.संभाजीनगर: 3 दिवसांपूर्वी संभाजीनगरमधील (Sambhajinagar ) उल्कानगरीमध्ये बिबट्या दिसला होता, परंतु अद्यापही या बिबट्याचा शोध लागलेला नाही. सीसीटीव्हीमध्ये (CCTV) या उल्कानगरीत फिरताना हा बिबट्या दिसून आला आहे. सर्व नागरिकांमध्ये भीतीचं वातावरण निर्माण झालं आहे. वनविभाग आणि पोलिसांच्या 90 जणांच्या टीमकडून बिबट्याचा अजूनही शोध सुरु आहे. शाळांनाही सुट्टी देण्यात आली आहे.सोमवार आणि मंगळवारी पहाटेच्या सुमारास बिबट्या याच परिसरात फिरत असल्याचे सीसीटीव्हीमध्ये दिसले होते.