पुणे: जुन्नर तालुक्यातील कल्याण नगर महामार्गावर ओतुर जवळ बिबट्याने वाहनांवर हल्ला करून दहशत निर्माण केली आहे. अधिकार्‍यांनी दिलेल्या माहितीनुसार, या बिबट्याने तीन दिवसांपूर्वी भरधाव वेगात चालणाऱ्या दुचाकीस्वारावर झडप घातली होती. या हल्ल्यात दुचाकीस्वार जखमी झाला होता. सुरुवातीला शिकारीच्या हेतूने लपुन बसलेला हा बिबट्या थेट महामार्गावरून धावणाऱ्या वाहनांवर झडप घालत आहे. काल रात्रीही त्याच ठिकाणी बिबट्याने वाहनावर हल्ला केला. ज्यामुळे महामार्गावर प्रवाशांमध्ये भीतीचे वातावरण निर्माण झाले आहे. या घटनांमुळे महामार्गावरून वाहन चालवणाऱ्यांना विशेष काळजी घेण्याचे आवाहन करण्यात आले आहे.