मराठा आरक्षणाला हैद्राबाद गॅझेटियरनुसार कुणबी प्रमाणपत्र देण्याचा अध्यादेश सरकारने काढल्यानंतर ओबीसी नेते मोठ्या प्रमाणात आक्रमक झाले आहे. आज ओबीसी नेते लक्ष्मण हाके यांनी बारामती येथे मोर्चा काढत मनोज जरांगे पाटील यांच्यावर जोरदार हल्लाबोल चढवला. रायतेचे राजे छत्रपती शिवाजी महाराज यांच्या प्रतिमेसमोर बसायचे आणि मुख्यमंत्र्यांना आईवरुन शिवीगाळ करायची आणि त्यानंतर सरकार त्यांना रेड कारपेट टाकते. अशी जोरदार टीका लक्ष्मण हाके यांनी मनोज जरांगे यांच्यावर केली. महाराजांनी अठरा पगड जातींनासोबत घेऊन हे राज्य जिंकले. आणि हा म्हणतो राज्याचा सातबारा आमच्या नावावर आहे असा जोरदार प्रहार हाके यांनी जरांगेंवर केला.