ओबीसे नेते लक्ष्मण हाके यांनी आज मुंबईच्या गिरगाव चौपाटीवर आंदोलन केले. महा ज्योतीला निधी मिळत नसल्याचा आरोप करत लक्ष्मण हाके यांनी केला आहे. यासाठी हाके थेट समुद्रात शिरले. राज्यात मराठा विरुद्ध ओबीसी आरक्षणाच्या मुद्यावर वातावरण तापलेले असताना ओबीसी नेते यांनी पुन्हा एकदा आंदोलनाचा एल्गार पुकारला आहे. महाज्योती योजनेच्या निधीअभावी ओबीसी विद्यार्थ्यांचे भविष्य अंधारात जात आहे. असे म्हणत हाके यांनी समुद्रात शिरून संताप व्यक्त केला आहे. हाके यांच्यासह विद्यार्थी आणि कार्यकर्ते थेट समुद्रात उतरल्याचे दिसून आले. उठ ओबीसी जागा हो, संघर्षाचा धागा हो, अशा घोषणा देत लक्ष्मण हाके हे आक्रमक झाले होते. दरम्यान आंदोलनाची माहिती मिळताच पोलिसांनी तात्काळ हस्तक्षेप करून हाके आणि त्यांच्या समर्थकांना ताब्यात घेतले.