मराठा आरक्षणासाठी पुन्हा एकदा मनोज जरांगे यांनी एल्गार पुकारला असून 20 ऑगस्ट रोजी मुंबईकडे मोठ्या संख्येने रवाना होणार आहे. यानंतर ओबीसी नेते लक्ष्मण हाके यांनी देखील ओबीसी आरक्षण वाचविण्यासाठी महाराष्ट्रात ओबीसीची संघर्ष यात्रा काढण्याची घोषणा केली आहे. यावरून जरांगे समर्थक आक्रमक झाले आहेत.

लक्ष्मण हाकेंचा व्हिडिओही सोशल मीडियावर व्हायरल झाला आहे. यामध्ये ते म्हणत आहे की, 'काय आहे, माळ्यांचं दुखणं एक आहे, ओबीसीच नेतृत्व माळ्यांकडून धनगरांकडे चाललं आहे, हे त्यांच्या पोटात दुखतंय. या व्हिडिओमुळे मोठा वाद निर्माण झाला आहे. यानंतर आता जरांगे समर्थक धनाजी साखळकर यांनी लक्ष्मण हाकेवर टीका केली आहे. जो कोणी कोल्हापुरी चपलेने लक्ष्मण हाकेच्या कानाखाली मारेन आणि त्यांना चपलेचा हार घालेन त्याला एक लाख अकरा हजार रुपायांच बक्षीस मी जाहीर करतो तसेच लक्ष्मण हाके हे जर सोलापूरमध्ये फिरकले तर ओबीसी, मराठा आणि दलित समाजाकडून त्यांना चपलेचा हार घातला जाईल असा इशारा साखळकर यांनी दिला आहे.