साक्षी यादव, साम टीव्ही

लालबाग: मुंबईतील लालबागच्या राजाच्या दर्शनासाठी भाविकांची मोठी गर्दी होत असतानाच मुखदर्शनाच्या रांगेत अचानक शॉर्टसर्किट झाल्याची घटना समोर आली आहे. दर्शनाच्या रांगेत अचानक स्पार्क झाल्याने भाविकांमध्ये काही काळ भीतीचे वातावरण निर्माण झाले.

स्पार्क झाल्यानंतर परिसरात काही वेळ गोंधळाची स्थिती निर्माण झाली. या घटनेनंतर सुरक्षेच्या दृष्टीने संबंधित यंत्रणांकडून परिसराची पाहणी करण्यात येत आहे. दरम्यान, काळाचौकी येथील महागणपतीच्या मंडपाजवळ अचानक करंट लागून दोन जणांचा मृत्यू झाल्याची घटना ताजी असतानाच लालबागच्या राजाच्या दर्शनाच्या रांगेत ही घटना घडल्याने सुरक्षेचा प्रश्न पुन्हा ऐरणीवर आला आहे.