राज्य सरकारने गरीब आणि गरजू महिलांसाठी लाडकी बहीण योजना आणली आहे. या योजनेसाठी अर्जदार महिलांना ऑनलाईन अर्ज भरता येणार आहे. या योजनेसाठी अर्जदार महिलेचे वार्षिक उत्पन्न हे अडीच लाखांपेक्षा कमी असायला हवे. या अर्जासोबत अर्जदाराला आधार कार्ड, डोमेसाईल, जन्माचा दाखला आणि उत्पन्नाचा दाखला जोडावा लागणार आहे. त्यासोबत बँक पासबूकची प्रत, रेशन कार्ड, एक पासपोर्ट फोटोही लागणार आहे. यासोबत अर्जदाराला हमीपत्रही जोडावे लागणार आहे. हे हमीपत्र अंगणवाडी सेविका, ग्रामसेवक, वॉर्ड अधिकारी आणि सुवीधा केंद्राकडून मिळेल. या योजनेसाठी अर्ज मंजूर झाल्यानंतर आधार लिंक असलेल्या बँक खात्यावर हे पैसे जमा होतील.