राज्य सरकारने लाडकी बहीण योजना सुरू केली आहे. पण या योजनेच्या नावाखाली अर्जदारांची लूट सुरू आहे. अर्जदार महिलांकडून प्रत्येकी पन्नास रुपये घेतले जात आहे असा आरोप होत आहे. अमरावती जिल्ह्यातल्या वरूड येथील सावंगी तालुक्यात काही महिलांनी लाकडी बहीण योजनेसाठी अर्ज केला होता. पण सावंगी तालुक्यातले तलाठी तुळशीराम कंठाळे आणि त्यांच्या कार्यालयातील कर्मचारी हे अर्जदार महिलांकडून पन्नास रुपये घेत होते. त्याचा एक व्हिडीओही सोशल मिडियावर व्हायरल होत आहे. यापूर्वी एक रुपयांच्या पीकविमा योजनेतही शेतकऱ्यांकडून १०० रुपये घेतल्याचे स्टिंग ऑपरेशनमधून समोर आले होते.