kunal kamra eknath shinde raw : स्टँडअप कॉमेडियन कुणाल कामराविरोधात एकनाथ शिंदेंचे शिवसैनिक आक्रमक झाले आहेत. खार येथील कुणाल कामरा याच्या सेटची तोडफोड करण्यात आली. कुणाल कामरा याने एकनाथ शिंदे यांची खिल्ली उडवणारी कविता सादर केली होती. त्यानंतर सोशल मीडियावर एकच संताप व्यक्त करण्यात आला. ठाकरेंच्या शिवसैनिकांनी कुणाल कामराला सपोर्ट केला. सोशल मीडियावर शिंदेंविरोधात कविता व्हायरल झाल्यानंतर शिवसैनिक आक्रमक झाले.

एकनाथ शिंदे यांच्या शिवसैनिकांनी कुणाल कामरा याच्या सेटची तोडफोड केली. त्याचा व्हिडीओ समोर आला आहे. ठाण्याचे खासदार नरेश म्हस्के यांनी कुणाल कामरा याला धमकी दिली आहे. तुला महाराष्ट्रात आणि भारतात फिरणं कठीण जाईल, एकनाथ शिंदेंची तात्काळ माफी मागावी असे म्हटले आहे. कुणाल कामरा याच्याविरोधात अंधेरी येथील एमआयडीसी पोलिसांत तक्रार (Complaint Filed Against Kunal Kamra) दाखल करण्यात आली आहे. कुणाल कामरा याने तात्काळ शिंदेंची माफी मागावी, असे आमदार मुरजी पटेल यांनी म्हटलेय.