आगामी जिल्हा परिषद, पंचायत समिती व नगर परिषद निवडणुकीत 100 टक्के शिवसेनेचाच भगवा फडकेल असा दावा आमदार निलेश राणे यांनी केला आहे. कुडाळ-मालवण, सावंतवाडी व कणकवलीत ही आपल्याला भगवा फडकवायचा आहे असं कार्यकर्त्यांना आवाहन करत उमेदवार कोणीही असला तरी त्याला निवडून आणण्याची जबाबदारी आपली आहे. 100% सिंधुदुर्ग जिल्हा परिषदेवर शिवसेनेचा भगवा फडकवणार असल्याचा दावा करत जिल्ह्यात तीन पैकी शिवसेनेचे दोन आमदार आहेत. आणि 32 जागांवर आम्ही थेट दावा करतोय असे सांगत निलेश राणे यांनी 50 जागा पैकी 32 जागांवर दावा करत अप्रत्यक्षरीत्या भाजपवर दबाव टाकण्याचा आणि थेट लढण्याचा इशारा दिला आहे. त्यामुळे स्थानिक स्वराज्य संस्था निवडणुकीत निलेश राणे विरुद्ध नितेश राणे हे दोन भाऊ भविष्यात आमने-सामने येणार असल्याचे चित्र आता दिसू लागले आहे.