आगामी विधानसभा निवडणुकीसाठी भाजप पक्षाने कंबर कसलेली पाहायला मिळत आहे. पुण्यामध्ये आज भाजपचं भव्य अधिवेशन होत आहे. यादरम्यान उपमुख्यमंत्री देवेंद्र फडणवीस यांनी भाषण केलं आहे. यादरम्यान फडणवीस यांनी कार्यकर्त्यांना कानमंत्र दिला आहे. विरोधकांच्या टीकेला चोख उत्तर द्या, बॅटिंग करा पण हिट विकेट होऊ नका, असा आदेश देवेंद्र फडणवीस यांनी आपल्या कार्यकर्त्यांना दिला आहे. या मेळाव्यादरम्यान केंद्रीय गृहमंत्री अमित शहा देखील उपस्थित होते. आदेश विचारु नका मैदानात उतरा आणि ठोकून काढा असं आवाहन देखील फडणवीस यांनी कार्यकर्त्यांना केलं आहे.