कल्याण : कल्याण लोकसभा मतदार संघातून मोठी राजकीय घडामोड समोर आलीय. कल्याणमधून ठाकरे गटाच्या आणखी एका उमेदवारी अर्ज दाखल केल्यानं कल्याणच्या राजकीय वर्तुळात खळबळ उडालीय. शिवसेना उद्धव बाळासाहेब ठाकरे पक्षात असलेले रमेश जाधव यांनी उमेदवारी अर्ज भरला आहे. त्यामुळे अनेक तर्क वितर्क लढवले जात आहेत. ठाकरे गटाने वैशाली दरेकर यांना कल्याणमधून उमेदवारी जाहीर केली होती. त्यानंतर आता रमेश जाधव यांनीही अर्ज भरल्यामुळे राजकीय चर्चांना उधाण आलं आहे. त्यामुळे ६ तारखेला नेमका उमेदवारी अर्ज कुणाचा मागे घेतला जाणार? हे पाहणं महत्त्वाचं आहे. मात्र रमेश जाधव यांनी उमेदवारी अर्ज भरल्यानं कल्याण लोकसभेत नवा ट्वीस्ट पाहायला मिळतोय. कल्याणमध्ये शिवसेना विरुद्ध शिवसेना अशी लढत पाहायला मिळणार आहे. एकनाथ शिंदे यांचे सुपुत्र श्रीकांत शिंदे यांच्याविरोधात वैशाली दरेकर असा सामना होतो की रमेश जाधवही निवडणुकीच्या रिंगणात उतरल्यास तिरंगी लढत होते की मग दरेकर आणि जाधव यांच्यापैकी एक जण आपला उमेदवारी अर्ज मागे घेतो, हे पाहणं महत्त्वाचं ठरणार आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.