यंदाच्या पावसाळ्यात कल्याण-डोंबिवली महापालिका क्षेत्रातील रस्ते खड्ड्यात गेल्याचे चित्र पाहायाल मिळत आहे. कल्याण-डोंबिवलीमधील रस्त्यांवर खड्ड्यांची मालिका सुरूच आहे. कल्याण, डोंबिवलीमधील अनेक रस्ते काँक्रीटचे झाले. डांबरी रस्त्यावर मात्र खड्ड्यांचं साम्राज्य पाहायला मिळत आहे. कल्याण-डोंबिवली महापालिकेकडून पावसाळ्यात रस्त्यांवर पडणाऱ्या खड्ड्यांसाठी कोट्यवधींचा निधी मंजूर केला जातो. खड्डे भरण्यासाठी कोट्यावधी रुपये खर्च केला जातो. मात्र अवघ्या महिनाभरात कल्याण-डोंबिवली महापालिकाअंतर्गत असलेल्या डांबरी रस्त्यांची खड्ड्यांमुळे दुरावस्था झाली आहे. खड्ड्यामध्ये खडी टाकून केडीएमसीकडून खड्डे बुजवण्याचा अयशस्वी प्रयत्न केला जातो. मात्र पावसात पुन्हा खडी बाहेर निघून खड्डे उघडे पडतात. त्यामुळे एकीकडे पाऊस दुसरीकडे खड्डे त्यामुळे वाहनचालक त्रस्त झालेत. या खड्डयांवर केडीएमसीने कायमस्वरूपी तोडगा काढावा अशी मागणी नागरिकांकडून केली जात आहे .