जालन्याचे काँग्रेसचे माजी आमदार कैलास गोरंट्याल काँग्रेस पक्षात नाराज असून ते लवकरच भाजप पक्षात प्रवेश करणार असल्याची चर्चा सुरू आहे. कैलास गोरंट्याल यांनी भाजपपक्ष प्रवेश केल्यास स्थानिक स्वराज्य संस्थेच्या निवडणुकीपूर्वी काँग्रेसला मोठा धक्का बसणार आहे. जिल्ह्यात एक नंबरचा पक्ष करण्यासाठी कोणत्याही पक्षातून कोणतेही नेते ,पदाधिकारी , कार्यकर्ते जर भाजपमध्ये येत असतील तर आम्ही त्यांचं सर्वात पुढे जाऊन स्वागत करू अशी प्रतिक्रिया भाजपचे जिल्हाध्यक्ष भास्कर दानवे यांनी दिली आहे.