रामराजे नाईक निंबाळकर तुम्ही जर जातिवंत राजे असाल तर, मैदानात येऊन लढाई करा असं थेट आव्हान भाजपच्या जयकुमार गोरे यांनी निंबाळकरांना दिलं आहे. यावरुन स्पष्ट दिसून आलंय की, महायुतीमधील वाद अता चव्हाट्यावर आला आहे. गोरे म्हणाले, तुम्ही गेम कसला करत आहात, शरद पवारांना काय भेटता, एका पक्षात असताना दुसऱ्यांचं काम करतात असा थेट हल्लाबोल गोरेंनी निंबाळकरांवर केला आहे. दरम्यान आता सर्वच पक्षांनी विधानसभा निवडणुकीसाठी मोर्चेबांधणी सुरु केलीये. त्यामध्ये आता महायुतीतील वाद समोर आल्यानं राजकीय वर्तुळात चर्चांना उधाण आलं आहे.