राज्याचे ग्रामविकास मंत्री जयकुमार गोरे यांच्यावर महिलेला नग्न फोटो पाठवल्याचे आरोप करण्यात आलेत. या प्रकरणावरून विरोधकांनी त्यांच्या राजीनाम्याची मागणी देखील केली. अशामध्ये जयकुमार गोरे यांच्यावर आरोप करणाऱ्यांविरोधात हक्कभंग दाखल करण्यात आला आहे. जयकुमार गोरे यांनी कठोर पाऊल उचलत संजय राऊत, रोहित पवारांविरोधात हक्कभंग दाखल केला आहे.

जयकुमार गोरे यांनी एका महिलेला स्वतःचे नग्न फोटो पाठवल्याचे सांगत हंबीरराव मोहिते यांच्या कुटुंबातील एका महिलेचा या मंत्र्याने विनयभंग केला असे आरोप ठाकरे गटाचे नेते संजय राऊतांनी केला होता. या आरोपानंतर जयकुमार गोरे यांनी माझ्यावर आरोप करणाऱ्यांविरोधात हक्कभंग प्रस्ताव आणणार असल्याचे सांगितले होते. त्यानुसार आज त्यांनी आरोप करणाऱ्या संजय राऊत, रोहित पवार आणि लय भारी युट्यूब चॅनेल यांच्याविरोधात हक्क भंग दाखल केला आहे.