मुंबई : मंत्री जयकुमार गोरे वादात अडकले आहेत. जयकुमार गोरे यांच्यावर एका महिलेला मोबाईलवरून विवस्त्र फोटो पाठवल्याचा आरोप आहे. जयकुमार गोरे यांच्या कृत्यानंतर त्यांच्यावर काँग्रेस नेते विजय वडेट्टीवार, खासदार संजय राऊत, सामाजिक कार्यकर्त्या अंजली दमानिया यांनी टीकेची झोड उठवली आहे. त्यांच्या राजीनाम्याची मागणी होऊ लागली आहे. या सर्व प्रकरणावर मंत्री जयकुमार गोरे यांनी पहिली प्रतिक्रिया दिली आहे.

जयकुमार गोरे काय म्हणाले ?

'२०१७ साली माझ्यावर गुन्हा दाखल झाला होता. त्याचा खटला २०१९ साली चालला. कोर्टाने त्यातून निर्दोष मुक्तता केली आहे. त्या प्रकरणाचा रेकॉर्ड देखील नष्ट करण्यास सांगितलं आहे. त्या संदर्भात सहा वर्षांनी हा विषय पुढे आला आहे. हा विषय कुणी पुढे आणला माहिती नाही. ज्या लोकांनी विषय पुढे आणला, त्यात निराधार आरोप केलेले आहेत. त्यांच्याविरोधात हक्कभंगाचा प्रस्ताव आणणार आहे. त्यांच्यावर अब्रुनुकसनाची दावा देखील दाखल करणार आहे, असे जयकुमार गोरे म्हणाले.