जळगावमध्ये लागलेल्या आगीतील दुसरा मृतदेह तब्बल नऊ तासानंतर हाती लागलाय. जळगावमध्ये बुधवारी भीषण स्फोट झाला होता. एमआयडीसी परिसरातील मोरया ग्लोबल लिमिटेड या कंपनीमध्ये हा स्फोट झाला होता. या स्फोटात दोन कामगार ठार झाले होते. तर 22 जण जखमी झाले होते. या प्रकरणी एमआयडीसी पोलीस ठाण्यात गुन्हाही दाखल करण्यात आलाय. हा स्फोट इतका भीषण होता की स्फोटानंतर मृतदेह शोधण्यासाठी रेस्क्यू ऑपरेशन करावे लागले होते. ग्लोबल लिमिटेड कंपनीमध्ये आग लागली लागल्याची माहिती मिळताच अग्निशमन दलाकडून युद्ध पातळीवरती मोहीम राबवण्यात आली. सुरुवातीला जखमींना तातडीने बाहेर काढण्यात आलं. त्यांना रुग्णालयातील दाखल करण्यात आलं. मात्र यामध्ये दोघांचा होरपळून मृत्यू झाला होता. त्यापैकी एकाचा मृतदेह बुधवारी दुपारी एक वाजता सापडला होता. मात्र दुसरा मृतदेह शोधण्यासाठी तब्बल नऊ तासांचा कालावधी लागलाय.