मध्यपूर्वेतील तणावादरम्यान इराणने आपले खुर्रमशहर या नव्य शक्तिशाली बॅलिस्टिक क्षेपणास्त्र लाँच केले. २ हजार किलोमीटर अंतरावरील लक्ष्याचा वेध घेण्याची क्षमता या क्षेपणास्त्रात आहे. २ हजार किलोमीटरची मारक क्षमता असलेल्या या क्षेपणास्त्राने इस्राइलसह संपूर्ण मध्यपूर्व इराणच्या टप्प्यात आलं. हे क्षेपणास्त्र १५०० किलो स्फोटकं वाहून नेण्यासाठी सक्षम आहे. रडार यंत्रणेला चकवा देणारं प्रगत तंत्रज्ञान या क्षेपणास्त्रामध्ये असल्यामुळे हे क्षेपणास्त्र अत्यंत घातक मानले जात आहे. त्यामुळे आखातातील लष्करी समिकरणं आता पूर्णपणे बदलण्याची शक्यता आहे.

बॅलिस्टिक क्षेपणास्त्रे लांबपल्ल्याच्या हल्ल्यांसाठी डिझाइन केलेली असतात. प्रक्षेपणानंतर ते पृथ्वीच्या वातावरणातून बाहेर पडतात आणि नंतर गुरूत्वाकर्षणाच्या प्रभावाखाली त्यांच्या लक्ष्यावर हल्ला करतात. लक्ष्याजवळ आल्यानंतर ते खूप वेगाने जातात. ध्वनीच्या वेगापेक्षा जास्त वेगाने जे लक्ष्याजवळ पोहचतात. बॅलिस्टिक क्षेपणास्त्रे पारंपारिक आणि अण्वस्त्रे दोन्ही वाहून नेण्यास सक्षम असतात.