IPL 2025 चा अंतिम सामना रॉयल चॅलेंजर्स बंगळुरू आणि पंजाब किंग्स यांच्यामध्ये खेळला जाणार आहे. अहमदाबादच्या नरेंद्र मोदी स्टेडियमवर हा सामना अवघ्या काही तासांमध्ये रंगणार आहे. सामन्यामध्ये बंगळुरूला सपोर्ट करण्यासाठी आरसीबीचे चाहते हजारोंच्या संख्येने अहमदाबादला पोहोचले आहे. सामना सुरु होण्यापूर्वी नरेंद्र मोदी स्टेडियमबाहेर आरसीबीचे हजारो चाहत्यांनी गर्दी केली. पावसामुळे चाहत्यांची तारांबळ झाली खरी, पण त्यांना एकही फॅन परतला नाही. आरसीबीचे चाहते लाल जर्सी घालून नरेंद्र मोदी स्टेडियममध्ये प्रवेश करत असल्याचा व्हिडीओ सध्या सोशल मीडियावर व्हायरल होत आहे. व्हिडीओमध्ये येणाऱ्या आवाजावरुन आणि चाहत्यांच्या संख्येवरुन आरसीबीची फॅन फॉलोईंग किती मोठी आहे याचा अंदाज येतो. आता आरसीबीने ट्रॉफी जिंकून चाहत्यांना खुश करावे असे सर्वजण म्हणत आहेत.