मावळ: इंद्रायणी नदीने धोक्याची पातळी ओलांडली आहे. त्यामुळे पिंपरी-चिंचवड पोलिसांकडून पर्यटकांना या कुंडमळा धबधब्यावर न येण्यासाठी फलक लावण्यात आले आहेत.परंतु पर्यटक या फकलाकडे दुर्लक्ष करत आहेत.पुणेकर या कुंडमळा धबधब्याला खास पसंती देत आहेत,त्याचबरोबर पिंपरी-चिंचवडकर पर्यटक देखील येथे भेट देत आहेत. दरम्यान पाण्याचा अंदाज न आल्याने अनेकांनी त्यांचा इथे जीव गमावला आहे. तरीही जीव धोक्यात घालून पर्यटक इथे येत आहेत.त्यामुळे पोलिस डोळ्यात तेल घालून इथे सुरक्षा देत आहेत.